Babbalagið

Hér er bráðskemmtilegt og grípandi lag frá Eyvindi Inga Steinarssyni í Vestmannaeyjum. Á myndskeiðinu má sjá mjög einfalda og sniðuga leið til að láta börnin spila undir á málmspil.

Eyvindur sendi lýsingu á því hvernig lagið varð til:

Babbalagið varð til er ég nýtti mér fábrotinn hljóðfærakost leikskóla er ég vann á. Þar á meðal var xýlófónn með lausum hljóðstöfum. Ég raðaði upp hljómaganginum í C-Am-Dm-G og spilaði undir á gítar. Börnin léku (4) á hljóðstafina, hvert 2 takta í senn. Tvær stúlkur fóru að syngja Ba-babba-ba-babba. Þá var hugmyndin komin. Ég fór heim í kaffinu og setti Babbalagið saman.

(C) Við getum spilað, og heyrðu nú,
(Am) Við getum sungið, miklu hærra en þú,
(Dm) Við getum leikið saman (G) babbalagið, 1,2,3,4
(C) Ba-babba-ba-babba-ba-babba-ba-babba
(Am) Ba-babba-ba-babba-ba-babba-ba-babba
(Dm) Ba-babba-ba-babba-ba-babba-ba-babba
(G) Ba-babba-ba-babba-ba-babba-ba-babba

Hljóðstafir

• C: börnin spila á C og E
• Am: börnin spila á A og C (litla)
• Dm: börnin spila á D og F
• G: börnin spila á G og H