Hægt og rólega

Þrjár stelpur breyttust skyndilega í skjaldbökur. Þær löbbuðu svo hægt og rólega alle leiðina inn á deildina sína. Leðin var löng - en sem betur fer þurfa skjaldbökur aldrei að flýta sér! Í leikskólanum stefnum við að hæglátu skólastarfi og þetta var góð áminning um að það sé oft engin ástæða til að ýta á eftir börnum heldur hægt að leyfa þeim að taka þann tíma fyrir leikinn sem þau vilja.

Lagið sem við syngjum er við sömu laglínu og "Upp, upp, upp á fjall" en textinn var saminn fyrir söguna um Hérann og skjaldbökuna. Stelpurnar hér eru reyndar að leika aðra skjaldböku sem heitir Achicheri og er ein aðalpersónan í sögunni um hlébarðann Osebo og trommuna hans.

Ég fer svo hægt og rólega,
Því skjaldbaka ég er.
Ég þarf ekki að flýta mér,
aldrei hratt ég fer!

Myndskeið

Hérinn og skjaldbakan

„Tilbúin! Viðbúin! Byrja!“ Hver verður fyrstur í mark, hérinn eða skjaldbakan? Við vitum víst öll hvernig þessi saga endar, er það ekki?! Það borgar sig sjaldan að flýta sér :)

Flýta sér, flýta sér
Ég þarf svo að flýta mér.
Ekki stoppa til að tína, tína ber.
Hlaupa hratt og flýta sér!

Sjá líka síðuna Hérinn og skjaldbakan.