Ó, api!

Þegar það var apaþema á deildinni hjá mér núna í haust greip ég tækifærið til að reyna að gera íslenska útgáfu af hinu fræga danska barnalagi, "Åh, abe". Eitt af því sem við töluðum mikið um var að apakettir eru með skott (eða rófu) en mannapar ekki.

Og skottið á honum apa...

Upptökurnar hér fyrir neðan tókust nokkuð vel, en eftir á fannst mér að ég hefði mátt syngja lagið hraðar og í svolítið hærri tóntegund. Reyndar er það mjög algengt vandamál hjá okkur kennurunum að við eigum það til að syngja aðeins of djúpt. Það er eitthvað sem við þurfum að hugsa meðvitað út í.

Og hann gat sveiflað sér / frá grein til greinar langar leiðir

Og banana hann vildi / jú borða sérhvern dag

Ó, api!

Það var einu sinni api,
í frumskóginum bjó.
Og hann gat sveiflað sér
frá grein til greinar
langar leiðir.
Kátur og glaður
hann hoppaði og hló.

Ó, api! Ó, api!  
Ég vildi að ég væri þú.  
Hopp-api, skopp-api,  
milli trjánna svífum nú!

Og banana hann vildi
jú borða sérhvern dag.
Svo að hann sveiflaði sér
frá grein til greinar
langar leiðir,
tíndi þá af trjánum
og raulaði þetta lag.

Ó, api! Ó, api!...

Og skottið á honum apa
alveg einkar gagnlegt var
Því hann gat sveiflað sér
frá grein til greinar
langar leiðir,
án þess að þurfa 
að nota hendurnar

Ó, api! Ó, api!...

Það var einu sinni api
og ég er eins og hann!
Og ég get sveiflað mér 
frá grein til greinar
langar leiðir,
án þess að detta.
Ég apabrögðin kann!

- ÉG ER ALVEG EINS OG HANN!
(... óóó neeeeeiii... krash)

Lag: Åh, abe! (Henningsen/ Christensen)
Þýð.: Birte Harksen og Baldur Kristinsson

Myndskeið

Danska frumútgáfan

Mek Pek syngur "Åh, Abe" á dönsku:

Lög í samhengi

Síðast breytt
Síða stofnuð