Þetta er gamalt íslenskt þjóðkvæði sem Ingibjörg Ásdís Sveinsdóttir (Imma) aðlagaði að sænsku lagi. Hún heillaðist svo mikið af hinni seiðandi stemmningu í laglínuni og fékk í framhaldi þá hugmynd að nota hana með þjóðkvæðinu um örninn. Börnin heilluðust eins og við, og eins og heyra má í myndskeiðinu voru mörg þeirra til í að syngja einsöng.
Í lokastundinni voru börnin máluð eins og ernir í framan
Það er Imma sem vinnur með börnunum í listaskála. Sú vinna tengist oftar en ekki þemadýrinu sem við erum með hverju sinni. Neðar á síðunni má meðal annars sjá fáein dæmi um listaverk barnanna sem þau gerðu í tengslum við arnarþemað okkar.
Örninn flýgur fugla hæst
í forsal fjallavinda.
Aðrir fugla verða að
láta sér það lynda
að kvaka, tísta og krunka hátt,
í Kópavoginum fljúga lágt
og á tjörninni synda.
Lag: Tula hem og och tula vall
Texti: íslenskt þjóðkvæði í aðlögun Immu.
Í upphaflegu útgáfunni er textinn svona:
Örninn flýgur fugla hæst
í forsal vinda.
Hinir sér það láta lynda
leika, kvaka, fljúga og synda.
Þeir sem ekki þekkja upphaflega lagið geta m.a. fundið það á plötunni Út um græna grundu (1977), þar sem það er sungið af Berglindi Bjarnadóttur. Það er hér á Spotify.
Á þessari síðu er einnig hægt að sjá nótur að laglínu við vísuna.
Börnin tóku virkan þátt í að taka upp sönginn. Það þótti þeim mjög spennandi eins og sést greinilega á þessari mynd:
Það var gaman að gera upptökur
Á þessari mynd sést laglínan með sænska textanum en hann er eftir Alice Tegnér og fjallar augljóslega ekki um erni:
Skallaörn
Fljúgandi örn
Ég er svo ótrúlega heppin að hafa unnið með Immu í meira en tíu ár. Gegnum árin höfum við unnið með meira en 30 mismunandi dýraþemu á deildinni okkar og hvert þema leiðir okkur alltaf á nýjar slóðir.
Við Imma á góðri stund í Stokkhólmi
Sláðu inn leitarorð hér að neðan.
